Uowai ami Yaahowu fefu, saohagolo wano molombase ami bada'a

Haniha Zi tobali Niha Nomoro Sara Ba Indonesia ba Wamili Pereside faoma wakil nia?

19/5/2014

Moroi ba Tivi ba hegoi ba kora nibasoda saluo ba simaokho andre, no oya si'ai duria nirongoda wa amada moroi ba GERINDRA no sa'ae hulo notobali niha nomoro sara ba Indonesia andre iada'a. Hewisa namada Zokowi ?  Ufaigi todogu, wa fefu oi baga ba solohe bazisokhi. 

Iada'a yaia niha khoda? Hadia goi zitola talau ? Toi nia mano ba lafo kofi, ha ya'i lawa'o-wa'o ba khoda wa oya Zitebai ba Zitola. Hadia da'o? Da ta badu ua goda Kofi. Tola mano tawa'o wa omasi ita nama gasane, ba lo omasi ita nama zianu,.... ta tema da'o, lo fabu'ado samosa ya'o. Ha ya'i itaria ma'igido nalo la'ila-ila ira talifuso siso ba Lafo Kofi. Imane tododa , e hana wa ma'igi ga ada da'o ? Fakhamo sa urongo diutiu wa so wanofu simane da'o. Mibologo dodomi na hulo abolo-bolo maifu wehedegu bada'a khoda. Haniha ita ? hada'o ua wanofugu. Tola mano ta be'e wehededa ba wo fasao amada siteba niwa'o andro tobali niha nomora sara ba Indonesia ba 2014-2019 andre, u tehe da'o ba ufaigi todogu goi wa ira talifusoda fefu siso ba LAFO KOFI andre, sifao todo ita bada'o. Ha ya'i tafuli ita tafaigi zitola ba zitebai. Da wo'i tafalau hanu-hanuda ba wangalui fa'atua-tua ua, me no oya nasa zilo fagolo ta'ila simane ni ila ndra talifusoda moroi ba mbanua 

Boi taroro ita ba wo fahuohuosi sambo ikhamo fangera-ngerada. U'ila wa so dotonafoda na ama gasane zitobali niha nomora sara ba wamatoro Indonesia andre ba mbawa mifonada, ba hada'ia zitola irugi ita ?

Ufaigi todogu, wa nalo maliwa mbagi mbolokhada zambua samosana ita, ae,... tola-tola lo fakhamo ita ba Lafo Kofi. Oi da'o zitobali bua wangera-ngera khoda. Ena'o boi ofeta ta lau wehede safokho khonawoda ha ba wo fasao amada siteai niwa'o da'o ba aroro ita wabu'a-bu'asa. Tola na handrege da'o. So ni'ila gu irege ilau wehede safokho khonawonia me ama gasane andre lo fao dodo ndra talifuso sato ba wahuhuosara ba Lafo Kofi, .... moroi ba zarou uboho mano, me uila wa fagolo mano ita zilo eluaha.

Ama, Ina ba ira talifuso fefu, gofu hezo mano toroi ita ba zimane fa alawa luo, dawo'i ta lau mano mangandro-ngandro kho zoaya, ena'o sangata'ufi YAIA zitobali samatoro ba khoda ba Indonesia andre mifanada. Lo fatimba na tabe'e mbua wangera-ngerada sambua samosana ita, ba hiza'i, tafaigi bale zilo itegu ita tododa. Ena'o bo tabato wangalui fa'atulo dodo ba hegoi famahao ba wangalui fa'atua-tua, boi tabato weamoi bagangorahua songa'ola, na so ginoto ba da faoma ta fahuo-huosi ia zitobali bua wangera-ngera khoda yaita ono niha, heha ba LAFO KOFI ANDRE

Hulo Zimano Ua, ba yafaoma Itolo Ita Lowalangi

Talifusomi 
Niha Choda

Hewisa Mbanuada Ba Lebaran andre?

Omuso sibai dodogu wa tola falukha ita zui, faduhu dodogu wa lo mano soambota ita fefu. Ira talifusogu gofu hezo mano so'ita, he ba dano wangarato ba yamendrua saae ziso ba mbanuada ba dano niha. Ba mbawa si walu andre ngaluo si 29-30 ba ira talifusoda "dawa" omuso dodora goi meno latalui wanandraigo, wotaha wa olofo, fa owokhi dodo ba zi tora sara  wawa wa ara. Yaita zi so ba lafo kofi tatu mano, lo hadoi hubunga nia khoda, ba meno yaita si so ba ro mbawa wamareta Indonesia, yaita goi ta be'e goi dodo da wo fosumange yaira he waae si bo'o lala wamati bakhoda, daa ni suragu, hewisa ita baro wo omusoi'o dodora ba Hari Rayo andre?... Yaita siso ba dano wangarato misa, moroi banaha halowoda la tehego goi molombase ita. Ba wolo mbaseda, hadia nifalua da? Faduhu dodo gu wa oya sibai zitola ta ohalowogoi,...Ya ita ira talifuso si fakhamo molombase ba "Lafo Kofi" ba nahama, da ta falua halowo si sokhi, na so ginoto ba da ta falukhaisi goi ndra talifusoda misa, na fakhamo ba moita ba nahara. Enao ba ginoto wolombase andre, ba oya zi sokhi nifaluada fefu. Yaahowu, mbanuada.-


Moroi : Santo Nias

Hadia Duria ?

Siofona uandro saohagolo wa tola falucha ita hewaae ha ba lafo kofi andre. Sindruhunia omasi sibai ndrao na tola fahuo-huo ita hewisa enao faoma ta ila duria nawoda. Ba boro me no fandrondrou nahada, tumbu badodoma wangehogo nahia sitola faoma faema li ita he ha faoma nisura badaa. Naha nihaoga ma andre, ba oya zo ambota me toinia nasa samena ma maha-maha ndraaga. Ma bedoi nahia da'a : LAFO KOFI. 

Hadia mano zitola tafahuhuoisi badaa,? Fefu gofu hada ia zitola ma mee khoda turia sisokhi, ba ena'o goi tobali nahada ba wangombakha hadia zalua ba nahada zambua zamosana yaita, hewa'ae simano ba oya goi zi tola ba zitebai, ba simano goi ba ngawalo nifahuo-huo da dania ba lafo andre, ha toba fondrou'o turia ba khoda fefu, Yaahowu ! [Santo Lase]

---

Yaahowu Zifaduhu Todo He Lo Mangila Horo 

Siofona u'owai ita Ya'ahowu !

Moroi Kho : Santo Nias